Radjapova M ning dars ishlanmasi
Toshkent shahar Yashnobod tumanidagi
227-maktabning 2-“B” sinf rahbari
Radjapova Mohiraning
matematika fanidan
“a+49, 91-b ko`rinishidagi ifodalar”
mavzusida yozgan
1 soatlik dars ishlanmasi
Sana:
Sinf: 2-“B”
Fan: Matematika
I.Dars mavzusi: a+49, 91-b ko`rinishidagi ifodalar
II.Dars maqsadi:
a)ta`limiy: a+ 49,91-b korinishidagi ifodalar haqida bilim berish. O`quvchilarga harfli ifodalarga oid misollar yechishni o`rgatish. Olingan ko`nikmalarni mustahkamlash;
b)tarbiyaviy: o`quvchilarni kichik guruhlarda o`zini o`zi boshqarish va hamjihatlikka o`rgatish, har bir matematik muammolarni ahillik, hozirjavoblik bilan hal etish, bir-biriga yordam berish fazilatlarini tarbiyalash;
d)rivojlantiruvchi: matematik topshiriqlarni bajarish orqali o`quvchilarning mustaqil va mantiqiy fikrlash qobiliyatlarini rivojlantirish,xotirasini mustahkamlash.
III. Dars turi: Aralash dars
- Dars metodi: savol-javob,tushuntirish, muammoli izlanish, guruhlarda ishlash.
- Dars jihozi: AKT, multimediali ilovalar, darslik,tarqatma misollar, charxpalak maketi.
- Darsning borishi:(3`)
Tashkiliy qism. Salomlashiladi, o`quvchilarning darsga tayyorgarligi parta oralab ko`rib chiqiladi, fasl haqida suhbat o`tkaziladi,o`quvchilar diqqati darsga jalb etiladi,navbatchi o`quvchining axboroti tinglanadi, uyga berilgan vazifa tekshiriladi va tahlil qilinadi.
VII. O`tilgan mavzuni mustahkamlash.(10`)
Matematik diktant. O`quvchilarga berilgan ifodalardan daftarlariga faqat harfli ifodalarni ajratib yozishlari lozimligi tushuntiriladi. Ifodalarni ustun shaklida yozish eslatiladi.
- 15 bilan 6 ning ayirmasini toping.
- a bilan 4 ning yig`indisini toping.
- 5 bilan b ning ayirmasini toping.
4) Kamayuvchi 20 ga, ayruvchi 8ga teng.
5) 25 bilan 1ning yigindisini toping.
6) Birinchi qo`shituvchi b ga,ikkinchi qo`shituvchi 3 ga teng.
7) 40 soni 2 ga kamaytirilgan.
8) a bilan 8 ning yig`intisini toping.
9) 50 bilan 10 ning ayirmasini toping.
10) 62 bilan 20 ning yigintisini toping.
11) c bilan 40 ning ayirmasini toping.
12) 16 bilan 6 ning ayirmasini toping.
Javoblarini tekshirishda o`zaro tekshirish usulidan foydalanish mumkin. O`quvchilar partadoshlari bilan daftarlarini almashtiradilar. Javoblar varaqasi doskaga ilib qo`yiladi va o`quvchilar unga qarab javoblarini tekshiradilar.
Javoblar : a + 4 ; 5 – b ; b + 3 ; a + b ; c — 40.
VIII. Yangi mavzuning bayoni. (15`) 1- misol og`zaki ravishda ko`rgazmali usuldan foydalanib tushuntiriladi:2 ta sonli charxpalak maketi doskaga ilib qo`yiladi. Birinchisi qo`shishga, ikkinchisi esa ayirishga doir. 1-charxpalakning birinchi g`ildiragida sonlar yozilgan bo`lib, u aylanadi, ikkinchi g`ildiragi esa aylanmaydi, unda 49 soni yozilgan, orasida “+” belgisi. Charxpalak bir aylanib to`xtaganida, qo`shishga doir sonli ifoda paydo bo`ladi va uni o`quvchilar daftariga yozib, qiymatini hisoblaydilar.
8+49=57;
2+49=51;
4+49=53;
6+49=55.
2-charxpalakning birinchi g`ildiragi aylanmaydi, unda 91 soni yozilgan, ikkinchi g`ildiragida esa sonlar yozilgan bo`lib, u aylanadi, orasida “-“ belgisi. Charxpalak bir aylanib to`xtaganda, ayirishga doir sonli ifoda paydo bo`ladi va uni o`quvchilar daftariga yozib, qiymatini hisoblaydilar.
91-6=85;
91-4=87;
91-3=88;
91-9=82.
2-misolda jadvalli misollarni yechish uchun o`quvchilarni kichik guruhlarga bo`lib, har bir guruhga 2 tadan jadval beradi. O`quvchilar misollarni namunaga qarab daftarlarida yechadilar, javoblarini jadvalga yozib, o`qituvchiga topshiradilar.
| a
|
38 | 46 | 27 | 28 | 39 | 37 | 49 |
| a+7
|
| b
|
47 | 35 | 28 | 24 | 43 | 52 | 13 |
| 56-b
|
3-masala sharti bilan tanishtiriladi.
-bir o`quvchi masalaning shartini darslikdan o`qiydi. O`qituvchi o`quvchilar bilan birgalikda ushbu masalaning qisqa shartini tuzadilar.
Ko`chaning o`ng tomonida 35 ta uy, chap tomonida undan 7 ta kam uy bor. Ko`chaning chap tomonida nechta uy bor ?
O`qituvchi masala yuzasidan suhbat o`tkazadi va o`quvchilarga mazkur hayotiy vaziyatni tasavvur qilishga yordam beradi. O`quvchilar masala sharitidan nimalar ma`lumligi, nimalar noma`lumligini, ular orasidagi qanday bog`lanishlar borligini o`qituvchining savollariga asoslanib aniqlaydilar. Masalaning qisqa yozuvini tuzishda o`qituvchi asosiy so`zlarni aytadi.
O`ng tomonda- 35 ta uy
Chap tomonda- ? 7 ta kam uy
Yechish:35-7=35- (5 + 2) = 35 — 5 — 2 = 30 — 2 = 28 (ta uy)
Javob: ko`chaning chap tomonida 28 ta uy bor.
O`qituvchi: Masala nechta amal bilan yechildi ?
O`quvchilar: 1 ta.
O`qituvchi : Masalaning savoli qanday o`zgartirilsa, u ikki amal bilan yechiladigan bo`ladi ?
O`quvchilar: Ko`chaning ikkala tomonidagi uylar nechta?
- Yangi mavzuni mustahkamlash.(12`)
4-misol- “ Asalari uyasi” o`yini asosida kichik guruhlarda ishlanadi. Buning uchun o`quvchilar kichik guruhlarga 6 tadan bo`linadilar. Har bir guruhga misollar yozilgan muntazam oltiburchak shaklidagi sariq rangli kartochkalar beriladi. Ulardan bittasining o`rtasiga harfli ifoda, qolgan 6 tasining orqasiga harfning qiymati yoziladi. O`quvchilar kartochkalardagi harfning qiymatini harfli ifodaga qo`yib, misolning yechimini yozadi. Guruhdagi barcha o`quvchilar misollarni yechib bo`lganidan keyin, A-3 formatdagi qog`oz ustiga kartochkalardan foydalanib, asalarining uyasini yasaydilar. Barcha guruhlar tayyor o`zlari yasagan asalarining uyalarini doskaga iladilar. O`qituvchi misollarning to`g`riligini tekshiradi va guruhlarni rag`batlantiradi.
a+8 ifodaning qiymatini ayting: a=14;a=8;a=47;a=25;a=30;a=52.
b-6 ifodaning qiymatini ayting : b=13;b=18;b=44;b=20;b=36;b=51.
12+a ifodaning qiymatini ayting: a=5;a=9;a=30;a=48;a=36;a=51.
23- b ifodaning qiymatini ayting: b=1;b=8;b=13;b=20;b=23;b=16.
a+20 ifodaning qiymatini ayting: a=19;a=7;a=42;a=35;a=34;a=62.
b-10 ifodaning qiymatini ayting: b=15;b=28;b=46;b=20;b=37;b=68.
5 misol : O`quvchilar kichik guruhlarda doiraviy misollardagi qonuniyatni topadilar.
45+23;
23+22;
59-36;
42+17;
68-26.
6-masalani yechish uchun 2 ta o`quvchi doskaga chiqariladi, qolgan o`quvchilar esa daftarlarida yozadilar. Masalani yechishda qisqa yozuv bo`yicha masala sharti tuziladi.
1) Katak daftar -32 ta
Bir chiziqli daftar — ?, 14 ta kam
2) Katak daftar – 32 ta
Bir chiziqli daftar — ?, 14 ta kam ? ta daftar
7-topshiriqda har bir shaklining perimetri topiladi:
Ekran orqali trenajyor – mashq va test topshiriqlari bajariladi.
- O`quvchilarni baholash:(3`)
-Darsda erishilgan yutuqlar, yo`l qo`yilgan xato va kamchiliklar muhokama qilinadi.O`quvchilar darsdagi ishtirokiga ko`ra baholanadi. Faol ishtirok etgan o`quvchilar rag`batlantiriladi.
Dars umumlashtirilib, yakunlanadi.
- Uyga vazifa berish: (2`)
90-betdagi 8-masala va 9-misollarning sharti tushuntiriladi.
Filed under: dars ishlanmalari
Leave a Reply